berglind

2008-11-23T09:49:00.000-08:00

Takk takk fyrir afmæliskveðjur :)

Nú er ég orðin 28 ára...þroskuð ung kona , 2 ár í 30 ára...og þá eru 3 ár þangað til ég verð 33 ára...ég hlakka til að vera 33 ára!!!!

En annars er lítið að frétta-kuldinn er kominn til Boston og þá eru sko ullarpeysurnar og vestið sem ég fékk frá mömmu nauðsynleg!!!!

Skólinn ennþá í gangi og vinnan...ég er líklega komin með lokaverkefni..en það er ennþá í vinnslu - tímarnir fínir - er ennþá ekki alveg nógu örugg í að tala...meira svona mjööög vandræðaleg - sérstaklega undir pressu...en held það séu nú allir orðnir vanir því...tókst að tala um brjóstin á mér og "urinal bowls" í mest stressandi tíma í alheiminum - þar spyr kennarinn okkur spurninga...og einkuninn okkar er byggð á svörunum...kennarinn er þekktur fyrir að vera "nasty" og láta nemendur finna fyrir því ef þeir segja eithvað vitlaust. Allavegana - ég er vön að horfa niður - svona að undirbúa mig áður en ég er valin til að svara spurningu - þarna sit ég með samnemendum mínum og horfi niður...þá segir kennarinn "I can´t tell ... is Berglind cheating??" - þá lít ég upp og segi .... " yes .. my breasts are not normally this big...i hid my notes in my shirt" ...já einmitt..alveg viðeigandi....en hann var nú meira að segja þetta í gríni - og ég afsakaði mig bara og sagði að það væri sko mjööög viðeigandi að tala um brjóstin sín við kennara sína á íslandinu....svo fékk ég erfiða spurningu sem ég einhvernvegin tókst að tala um klósett og urinal bowls fyrir stráka....fékk sem betur fer rétt fyrir svarið - en já...er sú fyrsta sem hefur talað um brjóst fyrir framan þennan kennara- halelúja fyrir mér!!!!

Er að fara á James Bond....bæbæbbæbæ
Berglind brjóstgóða

Frettir fra USA-NU

2008-10-19T08:20:00.000-07:00

- Tolvan er i vidgerd....
- farid ad kolna
- settum hitann a og hann kemur upp ur golfinu....med brunalykt
- Rachel fekk Wii i afmaelisgjof
- mamma, pabbi, jona og bjorg..tid erud oll karakterar a wii
- Pabbi var med mer i lidi i hafnabolta...mamma sveik lit og var med Rachel i lidi!!!
- stofunni var breytt i tennisvoll
- Red Sox er nalaegt tvi ad komast i World series...sem samanstendur af ameriskum lidum
- Fae morg e-mail fra folki i vinnunni um hversu odyr fargjoldin eru nuna til islands...
- "rescue team" hefur verid stofnad til ad na i peningana mina sem eru fastir a Islandi....
- er ad fara ad spila hafnabolta

Bless kex
Berglind

2008-08-25T17:25:00.001-07:00

Komin heim og byrjuð að vinna og skólast.....búin að setja inn myndir af heimsókninni...skora nú á hana Björgu/Darra og Jónu og co að vera duglegar að setja inn myndir frá ævintýrum þeirra í Danmörk og Spáni ...svo væri líka gaman að mamma setti inn myndir af sýnum ævintýrum...og pabba..;)

2008-08-14T17:40:00.000-07:00

Hér kemur smá sýnishorn af tónleikunum sem ég fór á ekki fyrir löngu...

John Mayer...sem var bara mjög skemmtilega furðulegur drengur....

og Jack Johnson sem er ekkert furðulegur ...en skemmtilegur

Tókst að ljúka 10 km hlaupi seinastliðinn sunnudag.... Falmout Road race er það kallað....gekk bara ágætlega .... kannski pinku of heitt og ég kannski pinku of kvefuð..og með aðeins of hvíta húð...náði mér semsagt í sólsting, kvefveiki og sólbrennslu ...geri aðrir betur-en það var gaman, fólk að sprauta á mann vatni á leiðinni..henda í mann appelsínur og kalla "þú lýtur vel út - koma svooooo" !!!

Annars er ég búin að pakka... og bíð bara spennt eftir að koma heim - sjáumst eftir smá....

2008-08-04T13:34:00.000-07:00

Í dag giftust vinir mínir Ólafía og Ingþór sig...HÚRRA FYRIR ÞEIM... !!!! Gvuði sé lof að þau lifi ey lengur í synd!!!!

Þar sem að ég var ekki stödd þarna...þá skissaði ég upp hvernig ég held að þau hafi verið.....

Elsku Olla og Ingþór til hamingju með að vera orðin HJÓN!!!!!:)

2008-07-27T14:12:00.001-07:00

Fór í útilegu um helgina ... gaman gaman - kajakaði, synti í sjónum,fór í draugaferð,veiðiferð ofl.

Getið tékkað á myndunum...set inn eina af mér og Rachel að kajakast...

nú tel ég bara niður dagana þangað til ég kem heim....16 ágúst...jibbíjúhú...

2008-07-09T16:22:00.000-07:00

Búin að setja inn fleiri myndir - hér fáið þið smá sýnishorn af flugeldum hérna í USA-NU

og annað sýnishorn af því hversu góðar við Erna erum að syngja .... og dansa...í bíl

2008-07-05T07:00:00.000-07:00

smá sýnishorn frá vinkonunum í NY....

Við löbbum sko ekki í rigningunni....við erum LADIES!!!!

Erna KúlJó!!!!

Berglind SkúlSjó dræving in New York!!!!!

Komnar nýjar myndir í albúmið....Pís át

2008-07-01T12:24:00.000-07:00

...og þá er ég komin í vikufrí...í þessu fríi ætla ég að skemmta mér með henni Ernu sem er að lenda núna eftir 3 tíma. Allt orðið klappað og klárt...búin að búa um rúmið...setja súkkulaði á koddann...borða súkkulaðið...og skúra gólfin.

Annars er það helst í fréttum að ég og tvær vinkonur ákváðum að flytja úr sveitinni Westborough í borgina Cambridge - fengum íbúð rétt hjá Central Square sem er mitt á milli Harvard og MIT ( algjörlega hugsað út frá efnilegum/velefnuðum mannkostum!!! hvað annað!!!). Erum búnar að vera að koma okkur fyrir-þurftum ekki að kaupa mikið - leigðum okkur trukk og fluttum búslóðina okkar frá westborough og yfir í borgina

(búslóð Berglindar = föt,stóll,borð,hreindýr).

hérna er svo íbúðin 344 Putnam Ave. (náði ekki betri mynd - úti á götu í bráðhættu !!! )

Aðal stússið undanfarna daga hefur verið að kaupa sjónvarp - ég stakk upp á því að við myndum bíða með það - þyrftum kannski ekki allt strax (þar sem að þær eru líka báðar með sjónvarp í sínu herbergi) - en það kom sko ekki til greina...og þar sem að ég bý með svo rosalegum kana stúlkum þá vildu þær STÓRT sjónvarp. - Fórum á Craigslist að skoða sjónvarp (þar sem fólk setur notað/nýtt og selur ódýrt) og enduðum á að finna eitt á góðu verði og hjúmonguss!!! - Gátum ekki náð í það sjálfar heldur þurftum að leigja okkur trukk til að ná í það...fengum það svo loksins í gær og byrjuðum að plögga það inn....kveiktum á því .... alveg rosalega gott hljóð..en...engin mynd.....og allavegana án þess að fara út í smáatriði þá er sjónvarpið bilað...hefur bilað á leiðinni..þe. í flutningunum eða að litla íbúðin okkar ræður bara ekki við svona massa sjónvarp... þannig að núna sitjum við uppi með risasjónvarp í stofunni okkar...kostar örugglega mikið í viðgerð...og líklega alveg jafn mikið að losa sig við það (fá trukk)....höfum sko algjörlega keypt "the cat in the sack" eins og þeir segja á enskunni!!! - vorum að breinstorma í gær hvað við gætum gerð við hana Sonju..(gáfum sjónvarpinu nafn) - gætum tekið út skjáinn og verið með svona brúðuleikhús....klætt sjónvarpið í og haft sem gæludýr...eða notað sem stóóóran myndaramma.....allar hugmyndir vel þegnar :)

En já...þýðir ekkert að gráta yfir þessu....Erna að koma , strönd á morgun....4 júli og jafnvel New York.....

Að lokum..mynd af mér og Sonju

- svona skemmtum við Sonja okkur vel í feluleik...gjúgg gjúgg...segir Berglind

2008-06-25T03:34:00.000-07:00

Hún á afmælí daag...hún á afmælí daag...hún á afmæli hún Bjöööörg..... hún á afmæli í dag!!!! Til hamingju með afmælið Björg og hafði daginn góðann og glaðann.........

Svona er hún Björg hress....
Húrraaaaaa !!!! :)

2008-05-27T18:35:00.000-07:00

Afþví að ég er svo stór þá fór ég á ráðstefnu í Chicago ... setti inn nokkrar myndir... og hér er ein af mér - svona er maður stór í Chicago

bless Berglind

2008-05-02T14:55:00.001-07:00

Á miðvikudaginn fór ég í fyrsta skipti á hafnaboltaleik og var í fyrsta skipti með derhúfu....og í töff hettupeysu- tók að sjálfsögðu lopapeysuna með mér....hún fer hvert sem er !!!
Var alveg ótrúlega gaman...

Maður fær líka svona fallegt blóm á hafnaboltaleikjum..... ;)

Setti inn myndir af glensinu á leiknum......áfram Ísland

2008-04-26T09:29:00.000-07:00

Hey hó...þann 10 maí mun ég hlaupa..skokka ...labba 5 km til styrktar NECC (þar sem ég vinn)

Hægt er að sponsera mig (áheita mig... heita á mig....mig áheita) - klikkið á linkinn fyrir neðan og svo vinstra megin á síðunni er hægt að klikka á "sponsor a walker/runner" - og svo setjið þið bara inn nafnið mitt án kommu...og ö og svoleiðis íslenskt bókstafadót - og muna svo ...."margt lítið gerir eitt stórt" og "margur er knár þótt hann sé smár" og "að styrkja Berglindi lætur gvuð elska mann aðeins meira" !!!! okei....

og hérna er linkurinn...

http://necc.kintera.org/faf/home/default.asp?ievent=262746&lis=0&kntae262746=8BE828248B064859AFCC2EADE8F6BB89

og á ensku fyrir þá sem finnst gaman að lesa ensku....

I am participating in The New England Center for Children's (NECC) 2nd Annual 5K Walk/Run for Autism on Sat, May 10, 2008 in Southborough, MA.
Please consider sponsoring me in the 5K! A donation of any amount helps a lot of special children.
(p.s. ég samdi þetta ekki - ;) )

p.s.s. ég verð rosalega vinsæl ef ég safna mestum pening !!! og svo fara allir að segja "ó..hvað Íslendingar eru gjafmildir" og "vá...við elskum íslendinga"...og "ég held ég fari til Íslands" sem að verður til þess að þau eyða peningi á Íslandi..sem gerir gott fyrir efnahaginn ...þannig að styrkja mig = betri efnahagur á Íslandi!!!!!

p.s.s.s. Fyrir þá sem skiptir engu máli að ég verði vinsæl...eða bættan efnahag á Íslandi...þá get ég bætt því við að eftir seinasta hlaup var byggð ótrúlega flott sundlaug fyrir peningana..þannig að núna getum við kennt börnunum að synda (sem að er ekki svo sjálfsagt fyrir börn í Ameríkunni...sérstaklega ekki fyrir börn með sérþarfir) :)

Skokklabbikveðjur
Berglind

2008-04-25T07:03:00.000-07:00

... það er komið sumaar..og allt sem því fylgir..þar á meðal ég að brenna mig smávegis...og svo það nýjasta "pedekjúr" - sjáiði hvað þær eru sætar!!!

- Er búin að vera dreyma fiskerí alveg endalaust, var t.d. á sjónum í gær að synda með mörgæsum og háhyrningum...fór svo í nótt að veiða...og já þetta virðist vera að "há" mér í skólanum - mér virðist það ómögulegt að gefa dæmi um annað en því sem tengist fiskum - vorum að lesa um 3 levels of selection - þe. þróun osfrv.-gaf alveg fín dæmi á miðsvetrarprófinu sem bæþevei voru bæði tengd fiskum...og svo núna á lokaprófinu kom svipuð spurning - og ég ákvað nú að koma með eithvað annað en fiskadæmi...hugsaði og hugsaði ....og endaði með dæmi sem tengdist selum...

Er að fara í barbekjú í dag...

xxx og auka x eins og mamma gerir

Berglind

Dagur í lífi Berglindar

2008-03-30T16:02:00.000-07:00

Bara venjulegur sunnudagur....vaknaði eiturhress eldsnemma og byrjaði að fá mér smá morgunmat og kaffi..uppgötvaði að ég er búin að vera "elda" hafragrautinn vitlaust í þó nokkuð langan tíma...skellti bara alltaf heitu vatni í örbylgjuofninn og svo bara stöffið í vatnið... en sá í morgun að á pakkanum stendur stórum stöfum "Just adding water WILL NOT cook the whole grains" - ég hef greinilega verið komin með OFURtraust á mér í eldhúsinu..farin að elda hafragraut án leiðbeininga!!!!!!
Þar sem að ég er komin í smá vorfíling ákvað ég að ryksuga herbergið mitt í annað skipti síðan ég flutti hingað..á meðan ryksugunni stóð náði ég að henda niður standlampanum, hreindýrinu “Mitch Buchanon” og tölvunni minni!!!! Var nú búin að taka allt smádót af gólfinu sem ég vildi ekki að myndi ryksugast...greinilega ekki nóg fyrir Fröken Berglindi í hreingerningarham!!!!

En annars ákváðum ég og nokkrar stelpur að halda upp á komu Vorsins að hætti Indverja á fimmtudaginn - indversk vinkona okkar kom með allskyns liti og fellst þessi athöfn í að henda nokkurskonar lituðu "hveiti" á hvor aðra...kölluðum þetta "color me beautiful" - Nú er bara spurning hvernig ég á að þrífa þetta..ha..humm....ætli þetta liti..ha..hmm...hvernig fer svona í þvotti hlýtur maður að spyrja sig...!!!!

Vorkveðjur
Berglind ryskugueldamennskuþvottameistari!!!!

SAGAN

2008-03-24T14:15:00.001-07:00

Ef að þetta er ekki krúttilegasta barn í ALHEIMINUM!!!!!!!!!!!!!!!!!!!!!! þá veit ég ekki hvað...(án þess að vera væmin sko og gera upp á milli annarra barna.....hmmm)

Kannski ef ég drífi mig í að senda Jónu afmælisgjöfina sína þá kannski sendir hún Sögu til mín???Þið búið nú nánast á flugvellinum og það er beint flug!!! Næ ekki alveg nógu góðu sambandi við hana í gegnum skæpið..annað mál með strákana...þó að ég ljúgi þvi að ég sé í galdra/Harry Potter skóla til að ná athygli þeirra (nýjasta galdratrixið sem ég lærði í skólanum var að geta galdrað mig á hvolf - skemmtilegt þetta skæp) - En já...Síðbúin páskakveðja frá ameríkunni!!!!

Berglind sem var að setja inn nýjar myndir....

MacSveinbjörnsdóttir

2008-03-16T16:23:00.000-07:00

Er í algjöru rugli með dagana núna og seinasta blogg var rugl...litli frændi verður skýrður Berglindus næstu helgi ekki þessa... hafði ekki hugmynd um hvaða dagur páskanna væri núna..fer ekki í páskafrí - skil ekkert í þessum heiðingjum!!!

Þessi er allavegana með þetta á hreinu!!!

Skellti mér í St. Patricks skrúðgöngu í dag - veit ekkert hverju er verið að fagna..einhverju sem tengist Írum, það er ég viss um!!!:) Var mjög gaman, ég gekk undir nafninu MacSveinbjörnsdóttir - Rachel bjó til hálsmen fyrir mig, þeim fannst auðvitað mjög fyndið hversu langt þetta væri og vildu helst gera belti fyrir mig. Seinna nafnið mitt hefur borið meira upp á góma undanfarna daga...þeim finnst þetta alveg fáránlegt!!! Komu íslendingar í heimsókn í skólann og ein kona hafði það á orði að fyrst hafi hún haldið að konurnar þarna væru allar skildar mér þar sem þær hefðu allar sömu endinguna á eftirnafninu og ég - dóttir- !!!
Ég lendi allavegana einu sinni á dag í einhverskonar umræðum um eftirnafnið mitt - vorum að tala um það að það væri örugglega erfitt ef ég myndi gefa út rannsóknargrein...ekki séns að fólk myndi muna nafnið mitt - spurning um að ég fengi undanþágu og væri þekkt af fyrra nafninu mínu..svona eins og Madonna...!!!!
Þetta er greinilega að taka aðeins á þar sem að ég fékk martröð í nótt tengda eftirnafninu mínu, þannig var mál með vexti að ég var hjá lækni ( sko í draumnum) sem var að gera konuskoðun (ef þið vitið hvað ég meina)...og hún sagði að í USA væri það siður að taka jafnmörg sýni og stafirnir í eftirnafninu mínu væru ...semsagt 17 sýni - ég er greinilega með ör á sálinni sveimérþá heilagur jesúm!!!! Veit að Jóna og Eyþór ætla að láta Kára og Sögu hafa bæði nöfnin ..þe. Jónu og Eyþórsdóttir/son - ættuð kannski bara að huga að því að hafa Jonsson!!! :)

Kossar og knús frá MacSveinbjörnsdóttir sem er með grænt hár..því að allir vita að írar eru með grænt hár!!!!

Stutt og laggott...

2008-03-15T16:04:00.000-07:00

Ég er svo ánægð með að frændi minn verður skýrður Berglindus Björnsson á morgun!!!!! :)

Vildi bara koma því á framfæri....og þar sem að ég hef lítið að segja þá hendi ég nokkrum myndum á síðuna....

Skæpfundur við Berglindi frænku...sem er í "galdraskóla" í Bandaríkjunum (þeir trúa öllu þessir strákar!!!)

Og skemmtilega mamma mín!!!

Bless kex,

Berglind McSveinbjörnsdóttir (í tilefni St. Patricks day á mánudaginn)

2008-03-09T04:42:00.000-07:00

Hún á afmælí dag, hún á afmælí dag....hún á afmæli hún Jóna Láraaaaaaaa, hún á afmæli í dag!!!!!!!!!!!

Þar sem að Jóna hefur alltaf verið mikill söngfugl þá læt ég fylgja með einn gamlan slagara sem hún gerði ódauðlegan hjá fjölskyldunni!!!;)

Til hamingju með 30 ára afmælið Jóna....:)

Lesist 7. MARS....

2008-03-06T18:54:00.000-08:00

Hún á...úps...ég meina: mamma á afmæli í dag..mamma á afmæli í dag....

mamma á afmæli mamma...

mamma á afmæli í dag!!!! Húrra... húrra húrraaaaaaaaa

afmælismamma

Í sól og sumarbyl...

2008-02-22T14:45:00.001-08:00

Hann á afmæli í dag, hann á afmæli í dag , hann á afmæli hann Pabbipiiiii..hann á afmæli í dag!!! Til hamingju með daginn Pabbi, eða Daddy Kúl Jó eins og við köllum hann í fjölskyldunni!!!!

Þá er ferðalagi mínu til Flórída lokið...kom heim úr sól og blíðu í blindbyl - Sem betur fer fór ég snemma í morgun því að flest öllu flugi var aflýst eða frestað.

Byrjaði á því að fara með Rachel á heimaslóðir til West Palm Beach þar sem að ég gisti hjá fjölskyldu hennar - held ég skilji núna alveg viðbrigðin fyrir hana að flytja hingað , húsin í West Palm eru flest öll bleik eða gul... svona eins og í teiknimynd, hérna eru þau steingrá ....svo er allt gamla fólkið líka í neonlituðum fötum og keyrir um á fínum bílum - svo er það náttúrulega veðrið... Fjölskyldan var ný búin að kaupa Wii og spiluðum við alla leikina sem hægt var að spila...mjög gaman - er með harðsperrur í rassinum á að vera í keilu (það tekur sko á!!)...og búin að prófa að syngja fyrir dómarana í American Idol -

Komst að því á dvöl minni með Farber fjölskyldunni að ég þarf nú kannski aðeins að kynna mér betur staðreyndir um Ísland - eldri kynslóðin er að spyrja mann aðeins meira um svona hluti sem maður á að vita..en ...já...ég hef aldrei verið sleip í að "vita hluti" ;) held ég hafi nú ekki sagt satt um allt- og þá bara sagði ég eithvað eða ..nja...ye... (svona til að líta ekki út eins og algjör hálviti)..fór svo að stressast með að kannski væru þau núna að googla öllum staðreyndunum sem ég sagði þeim..hmmmmm - sagði nú samt stolt frá því að forsetafrú okkar væri gyðingakona (þau eru sko gyðingafólk) frá Ísrael...og að hún væri sko ríkari en Ísland...já já...semsagt..held að ég verði ekki kynningar fulltrúi Íslendinga í útlöndunum;)

Fékk far áleiðis með Rachel og Suzie til Jöhönnu og fjölskyldu í Kissimmee (Orlando) - og þar sá ég ennþá krúttilegri hús...og krúttilegt fólk að sjálfsögðu!!!!- Við kíktum í Universal garðinn og skemmtum okkur konunglega - eru alveg komin inn í ameríska stílinn - tók Jóhönnu sirka 2 daga að rata um bæinn sinn og nágrenni..ég er ennþá að villast hérna í nágrenninu!!! -
En alveg rosalega gott að komast aðeins í sólina og fá smá lit (rauðan) svona í skammdeginu....

Að lokum samtal sem ég og mamma áttum saman áðan

B: já já já...hmmm aha...
M: já ú..já alveg rétt....mjög mikilvægt sem ég verð að segja þér....þú verður að passa þig..
B: nú ..já..(bjóst við ræðunni um að mynda alls ekki augnsambandi við fólk hérna í ameríkunni-þau drepa mann bara!!!)
M: já..þú átt ættingja þarna í Bandaríkjunum...
B: ha, hvað ertu að meina að passa mig...hvaða ættingja..
M: já....maður er alltaf að heyra svona sögur....þú átt sko frænda þarna sem heitir Arnar og er að æfa tennis...
B: ég skil ekki..afhverju þarf ég að passa mig!!!
M: já...sko....þú verður að spyrja stráka sem þú ert að hitta þarna hverra manna þeir eru...maður hefur heyrt alveg rosalegar sögur...(svo fer hún að tala um leikarann þarna..sem giftist systur sinni ...)
B: ..????
M: Já..ég hef heyrt að ættingjar gjörsamlegast SOGAST að hvor öðru og geta bara byrjað saman...
B: ok......muna það....ekki giftast Arnari: íslenskum strák sem býr í einhverstaðar í Ameríku og er að æfa tennis...hann er frændi minn....lofa því...

Setti inn nýjar myndir frá the Sunshine State

smá sýnishorn : Ég að "sexýhlaupa" á ströndinni - minnir að þau hafi allvegana gert svona í Baywatch (kannski ekki eins hvít, velklædd og með aðeins stærri brjóst)

NBA....

2008-02-09T09:55:00.000-08:00

Man þegar körfuboltaæðið kom til Suðureyrar...allir að spila körfubolta, sjómenn, verkakonur, sveitastjórinn...já og meira að segja lítil stúlkukind eins og ég...Fór á NBA leik á fimmtudaginn og var það mikið gaman - liðið "mitt"....Boston Celtics unnu - og var mikið um skemmtilegtheit...held að þeir spiluðu nú bara í 10 mín í senn og svo var alltaf hlé fyrir klappstýrur og allskonar skemmtiatriði!!! mikið gaman já mikið gaman

Annars er það helst í fréttum að ég tók loksins ökuprófið hérna Í MA fylki - ökukallinn var ekki sá vinalegasti.... öskraði einu sinni - já öskraði...þannig að ég og Rachel fórum að hlægja...og þá öskraði hann bara aftur...-en allt endaði nú þetta vel að lokum og ég náði nú prófinu...fjúkket...bíð nú bara eftir skírteininu - setti mig á ok lista fyrir líffæragjafa...var að spyrja Rachel hvort að hún væri með það..en hún sagði sko ekki...hafði nefnlega heyrt að læknarnir reyna ekki eins mikið að bjarga manni ef þeir sjá að maður gefi líffæri..hmmm...ég get kannski sagt..ó...var þetta líffæragjafi..ég hélt að þetta væri hljómborðsgjafi...ha!!!hohohoho..skiljiði...ORGAN...hahahahahha...bla

Vona að allir hafi lifað af óveðrið á Íslandinu....

friður og út

Berglind

Jiminn....

2008-01-24T13:33:00.000-08:00

brá svolítið þegar ég las þetta á mbl.is .... en Westborough er einmitt bærinn sem að ég bý í ...ég sem var einmitt að fara að skrá mig í þennan söfnuð...en nei eftir frekari rannsóknir komst ég að því að þetta er ekki hér í mínum bæ...heldur einhverstaðar í Kansas...hjúkket...get því verið óhrædd að leika samkynhneigða konu í Westborough á næstunni.
Annars fór ég á heimasíðuna þeirra (trúarsafnaðarins) og komst að því að þeir hata sko fleiri en samkynhneigða...hata t.d. svía, íra og ameríku mjög mikið - spurning um að flytja bara þegar maður hatar svona marga....ég segi bara si svona...
En annars hafið það gott öllsömul en ekki vera gömul

Berglind sem hatar engan

2008-01-19T18:53:00.000-08:00

sjeise sjeise sjeise...ég er að reyna að læra...hef verið að reyna síðan 8 í morgun, en í staðin hef ég skoðað öll blogg í heiminum, horft á nokkra þætti af American dad, farið inn á mbl.is milljón sinnum,tékkað á veðrinu hundrað sinnum, spjallað við systu nokkrum sinnum, drukkið 7 bolla af tei og skoðað allar myndirnar mínar (lagði mig líka inn á milli þar sem að það tekur svo rosalega á að læra)... ég bara get ekki lært og þegar ég byrja þá næ ég að skrifa svona tvær línur og svo er ég farin eithvað allt annað. Er alveg búin að gera mér grein fyrir því að hefði ég haft tölvu þegar ég var í háskólanum þá hefði ég líklegast aldrei útskrifast!!! ...

En annars... er helst í fréttum (fyrir utan það að ég get ekki lært) að ég er að fara "snow tubing" á morgun - og svo er ég að fara til Flórída í febrúar, fer fyrst til West Palm Beach þar sem að ég ætla að sjálfsögðu að fara á skauta í bikiní með vasadiskó...svo fer ég til Orlando (eða þar rétt hjá) og hanga með hómíunum mínum Jóhönnu Ósk og có - það verður gaman :)

Núna ætla ég að fara að sofa - horfa smá á american dad og planið er að vakna snemma og læra áður en ég fer að renna mér...je ræt!!!

Megi hinn heilagi andi og jesú og guð blessa ykkur öll og vonandi eigið þið nóg að bíta og brenna

berglind

Í dag

2008-01-14T11:33:00.000-08:00

...fór ég ekki í vinnuna – flest öllum skólum var lokað á svæðinu vegna “gífurlegrar snjókomu”. Ég ætlaði nú alveg að mæta í vinnuna taka smá undirbúning og svoleiðis en þar sem að ég er í æfingu að vera ekki alltaf svona rosalega “dugleg” (-jájá ég hefði nú alveg mætt í vinnuna – fengið mér kaffi, unnið í klukkutíma og verið svo rosalega “dugleg” að gera ekki neitt og reyna að komast heim í snjónum) ákvað ég að taka “veikindagadag” (eins og flestir starfsmenn gera þegar skólanum er lokað) var með samviskubit í svona 10 mín..alltaf að horfa út um gluggan og hugsa “ég gæti nú alveg mokað mig út og keyrt af stað” en svo lagaðist það og ég fékk mér ristað brauð og te, semsagt líka dugleg að elda!!!

Er búin að fara tvisvar á snjóbretti með stúlkunum, er líka rosalega “dugleg” á snjóbretti, datt ekki neitt..en ég fer líka ofurvarlega...er eins og gamalmenni sem lalla mér niður brekkuna og sé ekki neitt þar sem að ég gleymdi gleraugunum – hjálpaði líka stúlkunum öðru hvoru þegar þær duttu oní skurði og brettuðust inná milli trjánna.

En annars ekkert að frétta..nema það að ég fékk bréf frá Saint Matthew´s Churches. Ég er nefnilega ein af þeim útvöldu!!!!!

Eina sem ég þarf að gera er að fara í herbergi þar sem ég get verið ein, og biðja á “Holy Ghost, Bible Prayer Rug”(sem er svona mottu plagat sem ég fékk sent) ég verða að láta mottuna snerta bæði hné mín, og þá er þetta bara alveg eins og ég sé að “kneeling before God All Mighty at the altar inside a great church of blessing”

....ef ég þarf meiri gleði, frið, heilsu, peninga, nýjan bíl, nýtt hús, “healing in family communication” or WHATEVER, we as a very OLD (57) years chuch (halló...pabbi er eldri!!!) ;), want to know about it. – svo má ég bara krossa við svona tékklista fyrir hverju þau eiga að biðja og svo má ég líka senda pening til þeirra....

Þetta er pottþétt..er að segja ykkur það...þannig að látið mig bara vita ef ykkur vantar eithvað...alltaf gott að fá nýjan bíl og ég meina þegar þú ert að biðja gvuð almáttugan þá klikkar það ekki!!!!

Það fylgdi líka með spádómur...PERSÓNULEGUR spádómur..og þar stendur meðal annars :

"- Barn mitt! taktu í hjarta og anda þinn þessi orð afþví að tíminn líður hratt!(þetta er sko bréf skrifað af heilögum drottni jesúm kristi gvuð) - það er mun stærri tilgangur með lífi þínu en þú heldur - hér eru nokkrir hlutir sem þú þarft að vita" :

1) það er tími til kominn að þú setjir þér ný markmið, þú getur ekki verið hamingjusöm meðan líf þitt er svona !!!

2)ég þarf að finna einhverja leið til að nota einhvern mátt/kraft sem ég er með (skil ekki alveg...kannski svona eins og í Heroes!!!).

3) þar sem að andi hans (gvuðs) er að vinna inní mér - þá gæti ég fundið innri kraft vaxa afþví að hann er svo nálægt mér... (er reyndar búin að vera kvefuð og með slæman hósta....)

4) hann ætlar að passa að enginn verði í vegi mínum og skemmi þessi rosalegu plön sem að ég er hluti af....

svo endar það svona " my dear child....eithvað verð að sá fræi í konungsdæmið osfrv. " og Amen...

hér er mottan sem að ég er búin að biðja á fullu í tvo daga....reyndar stendur líka undir henni að ef ég horfi í augun og jesú...nógu lengi..þá opnast þau...jájá..ekkert óhugnalegt við það...bara huggulegt!!!!
Megi friður vera með ykkur og megi þið vera heppin að þekkja mig... afþví að jesúm sendir mér persónulegt bréf !!!!

Berglind hin máttuga amen

2008-01-03T15:21:00.001-08:00

*setti inn nokkrar heimajólamyndir
*hér er ennþá verrí verrí kóld
*yfir og út

2007-12-18T17:38:00.001-08:00

Í tilefni að því að það var - 15 stig þegar ég fór út í morgun og nasahárin mín frusu...þá hendi ég fram einu ljóði

Það er frost
ekki hiti
borðaðu ost
Galtarviti

Snjór snjór jól

2007-12-16T09:49:00.000-08:00

Þá eru prófin búin og eina sem ég þarf að gera er að klára kaupa jólagjafir og vinna.

Ætlaði að klára jólagjafainnkaupin í dag...en veit ekki alveg hvort ég komist eithvað þar sem að það snjóaði svo rosalega í nótt...það snjóar víst líka í útlöndum!!

Fyrsta "snjóbylaviðvörunin" kom seinasta fimmtudag - fórum í vinnuna en þurftum svo að drífa okkur heim um eitt þar sem að það var farið að kyngja niður snjónum. Tók mig 2 tíma að komast heim (venjulega um 20 mín) - Við stelpurnar skelltum okkur út í snjóinn og þar sem að þær hafa aldrei verið í snjó þá sýndi ég þeim hvað væri hægt að gera skemmtilegt - renna sér og svoleiðis (setti inn nýjar myndir)

En já...bara að vona að það snjói nú ekkert meira....annars fá bara allir WalMart dót í jólagjöf!!!

-hreindýrið mitt Mitch Buchanon og Carolyn....
sjáumst eftir smá!!!:)

Stúfur

2007-11-29T18:32:00.000-08:00

Þá er Rósa frænka farin - því miður kemur hún ekki mánaðarlega eins og hin Rósa frænka - *tjíng* En var að setja myndir af mér og Rósunni þegar við vorum á Kendall hótelinu á okkar rómantísku get-a-way...*tjíng*

hér er smá sýnishorn....en við komumst einmitt að því hversu góðir myndasmiðir við erum!!!

það sést alveg næstum í okkur báðar!!vóhó!!! *tjíng*

En það er allavegana eitt gott við að Rósa fór....ég þarf ekki lengur að deila súpermanninum
mínum!!! Fjúkkett...*tjíng*!!!

Súperkonukveðjur
Berglind *tjíng* :)

Heimsókn Rósu Frænku

2007-11-21T15:33:00.000-08:00

Nú er Rósa frænka komin...hef mjög sjaldan sótt einhvern á flugvöll - eða svona einhvern sem er að heimsækja mig...og já þetta var mjög furðulegt...það voru allir grátandi á flugvellinum - ég var farin að halda að það væri eithvað að...var mjög ánægð að Rósa kom aðeins seinna en grátfólkið - ég var alveg næstum því farin að gráta en náði að herða mig og hrækti bara í staðin.
Fékk alveg rosa góða nammipakka...íslenska nammipakka og harðfisk...

.....svona var ég glöð..ég hreinlega glansa af gleði...

Svo gaf Rósa mér 100 íslensk 80´s lög..og er ég núna að hlusta á lagið "endurfundir" með "upplyftingu"...ferlega skemmtilegt....hann elskar einhverja stelpu svooo mikið að hann gæti næstum dáið-hún má aldrei fara frá honum ....og hann ætlar sko að vera henni eins góður og hann MÖGULEGA getur..jahá...

Erum búnar að versla...og svo hittum við líka hana Evu Bjargarvinkonu í gær...hún er ferlega sniðug...svona gerir hún í útlöndum

og svona gerir Rósa í útlöndum

Ég og Rósa ætlum að fagna þakkargjörðarhátíðinni með því að hafa það notalegt í Boston...finnst svolítið óþægilegt að vera svona einstæðar ungar stúlkur á vappi um stórborg...þannig að ég reddaði okkur fylgdarmanni....og hann heitir súpermann...

takiði eftir treflunum okkar...þeir eru bostonískir...
Að lokum - vegna fyrirspurnar frá aðdáanda þá birti ég hérna ljóð um vetur...en það snjóaði í gær.

Það er vetur

ekki vor

þurrkaðu þér betur

þú ert með hor

Góðar kveðjur frá útlöndum
Berglind

Afmælisbarnið ég

2007-11-11T12:49:00.000-08:00

Ég á afmæli í dag....og í tilefni þess þá tók ég aðeins pásu frá lærdómnum hérna heima.....lærði í staðin á kaffihúsi hér rétt hjá - stúlkunum hér fannst alveg ómögulegt að ég væri ein á afmælisdeginum...en ég sagði þeim að það væri til siðs á Íslandinu að eyða deginum með sjálfum sér og hugsa aðeins um jesúm og lífið í heild en ekki sem hluta...fattiði !!! Vildi nú ekki segja þeim að ég vildi bara nýta tímann sem ég hef til að læra þar sem að ég er gömul og með hægari heila en þessar ungu stúlkur......

hér er ég með afmæliseplakökuna og gáfuleg að vanda...enda er ég að læra og þá þarf maður að líta gáfulega út og horfa uppfyrir gleraugun og setja stút á munninn...má ekki gleyma stútnum...því að það vill nú enginn gáfaða stelpu með engann stút!!!!!

En nú er mál að halda áfram lærdóminum.....aðeins 7 dagar þangað til Rósa frænka kemur í heimsókn....sko ekki "rósafrænkablæðingar" heldur frænka mín sem heitir Rósa!!! - oj..það væri nú ógeð ef ég væri að tala um blæðingar.... það gera aðeins ógeðslegar stelpur með engann stút og mjög vitlausar....

Afmælisbless

Berglind

Í dag...

2007-10-31T15:47:00.000-07:00

...þá andvarpaði kaffikannan þegar ég var að hella uppá og mjólkin mín slefaði þegar ég hellti í bollann...
...var ég í Gators football búningi með merkt á "I´m Rachel Farber", því að nú er hrekkjavaka...
...gaf maður mér fokkmerki í umferðinni...

Læt fylgja með link á þetta myndband en það gladdi mitt litla hjarta í gær ! heldur betur svo sannarlega já! http://www.youtube.com/watch?v=eTb5w3jE7Gk

Góðar stundir
Dverglind

og þemað er....haust

2007-10-21T12:10:00.000-07:00

ég ætla bara að tala um haust í blogginu mínu...-...búið að hitna aftur..en það er haust...hef verið að dásamast yfir litunum á trjánum og alltaf ætlað að taka myndavélina út - lét loks verða af því í dag (kannski afþví að ég var að læra..en þá hefur maður tíma fyrir allt annað) ...að lokum ætla ég að vitna í eitt ljóð um haust

Það er haust
ekki sumar
ýttu laust
á humar

Haust

2007-10-13T12:41:00.000-07:00

Nú er bara eins og ég sé heima á Íslandi...farið að kólna..rigndi í gær...dimmt...en kannski aðeins meiri lauf sem hrynja hérna á jörðina...en gaman gaman, því að nú get ég farið að nota fötin mín!:)

haust kveðjur

Berglind

Munur á munum

2007-10-03T18:00:00.000-07:00

Í Bandaríkjunum ... er margt ólíkt því sem er á Íslandi og kemur mismikið á óvart t.d var ég búin að búa mig undir að það mætti beygja til hægri á rauðu ljósi , að þegar einhver segir "hvernig hefur þú það" þá er hann ekki endilega að búast við svari.
Finnst smá skrítið að hér eru auglýst lyf í sjónvarpinu...astmalyf...krabbameinslyf, þunglyndislyf ...- og ennþá skrítnara fannst mér þegar ég fékk sent ávísunarhefti frá bankanum mínum- hef ekki séð svoleiðis síðan ég bað mömmu um að gefa mér ávísun þannig að ég gæti keypt mér hjól...árið 1989
En það sem hefur nú alveg látið mig standa í rogastand , rogastand segi ég - er eithvað sem ég var bara alls ekki búin að búa mig undir - en það eru - dömubindi...blómalyktandi dömubindi með blómamyndum. -
blómakveðjur
Berglind

Bjarnarknapi knái

2007-09-24T22:00:00.001-07:00

já...held ég sé búin að komast að því að hefði ég verið með fartölvu í háskólanum hefði ég aldrei útskrifast!!!
Klukkan er þrjár mínútur yfir seint um nótt og ég á mjög erfitt með að halda áfram með mikilvæga Bjarnarverkefnið mitt. Ég er semsagt að reyna að finna leið til þess að fá björn til þess að fara á hestbak...veit ekki...þegar við töluðum um þetta þá virtist þetta ekki vera neitt mikið mál...en þegar kemur að því að fá hann til að fara á bak á hestinum , þá vandast málið. Hvernig fæ ég björn til þess að setjast klofvega á hest? Fyrir utan það, hvernig passa ég það að björninn ráðist ekki á hestinn?? Nú veit ég hvernig mikilvægum vísindamönnum líður þegar þeir takast á við svona krefjandi og mikilvæg verkefni !!!
Er orðin svo svefnrugluð að ég er virkilega búin að setja björninn í skó, einn bláan og einn rauðan (las einhverstaðar að birnir hafa mjög góða litasjón - svo þarf ég bara að lita leiðina að hestinum...semsagt bláa og rauða...) - já já...ég get kannski líka bara sagt að ég hafi notað íslenskan björn... sem er í rauninni nafn á karlmanni þannig að þetta var ekkert mál...mohohohohoh...en já...best að fá sér lúr (sé að það er fólk farið að signa sig inn hérna á msn...klukkan orðin morgun hjá ykkur).
Bjarnarkrumlufæf!!!

ég og bíllinn minn......

2007-09-16T15:08:00.000-07:00

jæja-ákvað að taka mér pásu frá að þykjastaðveraaðlæra - Er loksins komin með bíl..en bílpróf..hmmm-held ég noti bara alþjóðlega ökuskírteinið mitt núna þetta árið..mér er bara ekki ætlað að taka þetta próf. Seinasta þriðjudag var ég tilbúin með öll plögg - Rachel var sponsorinn minn- komnar á bílinn hennar og fengum meira að segja að fara fyrr úr vinninni til að mæta alveg örugglega ekki of seint.- Að bílnum labbar mjög vígaleg kona gefur mér allskonar fyrirmæli um að gefa stefnuljós til vinstri -hægri..kíkir á ljósin og sest svo í bílinn - og segir að ég geti ekki tekið prófið í dag þar sem að það er ekki bílnúmeraplata að framan - og það er sko alveg bannað in the state of Massachussets!!! já já...við héldum að hún væri að djóka - en nei henni stökk ekki á bros og sagði mér að rískedjúla tímann...sem ég er ekki búin að gera...
Ætla bara að gleyma þessu um tíma og einbeita mér að náminu og vinnu..en það er alveg nóg að gera í þeim málum...

Er annars komin með íbúðarfélaga...tvær brasilískar stúlkur, eru báðar komnar til að vinna hérna og verða hér í ár. Byrjuðum á því að kaupa okkur sjónvarp saman - og ég get væntanlega leyft þeim að njóta visku minnar í sambandi við bílamál á þessu svæði...vúhú !!!

læt fylgja hérna með tvær myndir af mér og kreisíííí bílnum mínum!!!!!! Mjög góður bíll ..en finnst hann ekki alveg passa við mig..þe. stærðarlega...ég sést eiginlega ekki þegar ég keyri hann!!!;)

sportbílakveðjur

Berglind

DMV

2007-09-03T16:53:00.001-07:00

Ég átti víst að vera búin að fá netið á laugardaginn...en hlutirnir hér ganga hægt og eru mjög flóknir! Ég er t.d. búin að fara svona 10 sinnum á DMV (Department of Motor Vehicles) - og DMV er staður sem maður vill ekki vera á - biðin er svona 1 klst að minnsta kosti og afgreiðslufólkið er ekki það vinalegasta . Þetta blessaða bílpróf hefur tekið sinn tíma... ég er að vinna frá 8 - 16 alla daga...og það er bara hægt að taka skriflega prófið til klukkan fjögur virka daga..nema fimmtudaga- þannig að þá fimmtudaga hef ég brunað í DMV og ætlað að taka bílprófið...fyrst þegar ég gerði það vantaði eitt skjal, í annað skiptið gleymdi ég vegabréfinu mínu..en seinasta fimmtudag náði ég að taka prófið. En ég er sko ekki búin - ég þarf að fara í verklegt ökupróf - og það þarf að bóka eftir að maður tekur skriflega prófið - og í því þarf ég að vera með "sponsor" semsagt einhvern sem ég þekki og er eldri en 21 -. Og aftur er smá vesen að taka það eftir vinnu...þannig að ég get tekið það eftir eina og hálfa viku- Í smá tíma var ég bjartsýn þar sem að ég er komin með bíl til að kaupa mér - og ég þarf að koma með bíl í verklega prófið...stelpa í vinnunni ætlar að selja mér bílinn sinn..sem er gott mál (Auður þetta er langrassa bíll!!!!!!!;) ) - ég þarf að fara í DMV til að skrá bílinn á mitt nafn og fá númerplötu (er að pæla í að fá mér plötu sem á stendur "united we stand" eða "support our troopers"!!!;) ) ..en fyrst þarf ég að finna tryggingafélag. Farin að hlakka til að keyra minn bíl... ætlaði bara að skila bílaleigubílnum um leið og ég fengi tryggingarnar (morgun eða hinn) og keyra minn bíl...en það er víst ekki hægt. Ég má ekki keyra minn eigin bíl þar sem að ég er ekki komin með bílprófið -semsagt, ég má keyra bílaleigubíl á international ökuskírteininu..en ekki minn eigin bíl..úfffff....Á föstudaginn var ég komin með gubbupest af þessu bílastandi...en gladdi mig með því að netið væri allavegana komið á Laugardaginn. Cable gæjinn bankaði upp á laugd. og þurfti þá að tala við eithvað viðgerðarfólk hér sem er bara allsekki við um helgar...og þar sem að netfyrirtækið getur ekki sent einhvern klukkan fimm..eða fjögur...heldur " hann kemur einhverntíman á milli 12 og 17" þá get ég bara gert þetta um helgar...- fúff...fúff..fúff....:)

En annars hefur helgin verið alveg glimrandi. Við stelpurnar fórum til Cape Cod , svona til að nýta fyrstu löngu helgina okkar. Ég borðaði massívan humar í fyrsta skiptið, náði að subba humar yfir mig og fólk í grenndinni, fór í karókí á klæðskiptinga bar, fór á ströndina og náði að brenna fallegt munstur á magann minn, sá úlf og uppgötvaði að í skottinu á bílaleigubílnum mínum er öryggisspotti fyrir fólk sem hefur verið læst í skottinu - með leiðbeiningar um að hlaupa í andstæða átt við bílinn!!!:)

xxx og zzz

Berglind

B.Sveinbjornsdottir

2007-08-20T15:23:00.000-07:00

Þegar ég hef farið til útlanda hefur nafnið mitt alltaf verið smá mál - . Það slapp mjög vel þegar ég vann í sumarbúðunum, en þá notuðum við "camp-names" , mjög hentugt - og einhvernvegin hefur Becca alltaf fest við mig á ferðalögum. Samt sem áður var ég eiginlega búin að ákveða að Berglind skildi ég vera hérna í Ameríkunni (fannst svolítið mikið að vera Becca í 3 ár). - En hallelúja heilagur jesúm..eru þið að grínast - ég sem var vel undirbúin fyrir fyrra nafns leiðréttingu bjóst aldrei við "seinna nafns áhrifunum"!!!

Í bandaríska kerfinu er ég ms. Sveinbjornsdottir. Þar sem að ég hef þurft að sækja um ýmislegt- (social security number - bankareikning -ökuskírteini) og skrifa undir pappíra þá hef ég þurft að nota seinna nafnið mikið - . -Sem þýðir að þær tvær vikur sem ég hef verið hér hef ég þurft að stafa nafnið mitt - útskýra það - og skrifa svona sjöþúsundtuttuguogáttasinnum niður (og þá með prentstöfum takk fyrir) -

Algjörlega uppgefin á nafnaskrifum og útskýringum byrjaði ég í þjálfun í vinnunni - og því fylgir að sjálfsögðu að segja til nafns, semsagt: Berglind góðann daginn, daginn, daginn-. Eftir fyrsta "what! how do you say it???" kjúklingaði ég algjörlega og alveg..."eeee...or just Becca". En eftir því sem leið á þá var orðið svolítið breytilegt hvað ég sagði, allt eftir því sem ég nennti, þannig að í lok dagsins kölluðu mig sumir Becca, aðrir Börglind og já ... Bella (það er algjörlega leyfilegt hjá börnum...ég meina, Darri átti í erfiðleikum með nafnið mitt lengi og kallaði mig Bengadingiding). Semsagt planið mitt algjörlega búið að klúðraðst og ég komin í einhverskonar identity kreisíness.

Ég er búin að setja mér markmið: Fyrir næstu viku verð ég að vera búin að taka bílprófið - finna linsur og ákveða hvaða nafn ég ætla að taka - það er spurning hvort að ég eigi bara að taka þetta af fullri alvöru og bæta við Ms. Sveinbjornsdottir???!!!

Bangsi var með bíladellu og ætlaði út að aka.....

2007-08-12T15:50:00.000-07:00

Á föstudagsmorgun tók ég lestin til Westborough. Bjóst nú við að það væri leigubíll þarna sem ég gæti náð í ..en svo var ekki...ég er komin í sveitina!!!

Íbúðin er mjög fín , deili með tveimur stúlkum - er í stóru herbergi með baði - og hjúmongus fataskáp...sem er eins og Rósa sagði, merki frá Jesúm Kristi um að ég þurfi að kaupa mér fleiri föt!!!

Annars hentar þetta mér mjög vel þar sem að blokkin liggur við hraðbrautina sem ég þarf að fara á til að keyra í vinnuna...svo eru allar hellstu búðirnar við hana.

Byrjaði á því að leigja mér bíl - og er búin að vera á fúlle swing að æfa mig á honum þar sem að ég þarf á mánudaginn (morgun) að keyra til Boston í háskólann og klára ýmisa pappírsvinnu. Æfingin byrjaði þannig að á föstudeginum keyrði ég í Wal-Mart sem er hinumegin við götuna. - þar ætlaði ég að kaupa mér hreingerningavörur - endaði með að kaupa 20 svampa og eina fötu , gat ómögulega valið um sápu því að það voru til svona 20 milljónir tegunda !!!

Á laugardaginn hófst bílaæfingin með því að keyra á starbucks sem er í verslunarmiðstöð við hraðbrautina.- fór svo í Stables til að kaupa mér prentara - en hann þarf ég til að prenta út leiðarvísi þegar ég fer að keyra um...;)Var orðin óviss með reiknisgetu mína þar sem að allir prentararnir voru hræódýrir...hringdi í pabba og hann fullvissaði mig um að ég væri að reikna rétt..þannig að ég keypti HP PHOTOSMART D7400 (lesist með hárri rödd) prentara með snertiskjá og alles - Keyrði líka í matvörubúð sem er þarna rétt hjá - ætlaði að kaupa eithvað í matinn...en aftur...þá var um svo rosalega mikið að velja -þannig að ég endaði bara á því að kaupa mér snakk, bjór,....og eina apríkósu.

Í morgun var komið að loka prófinu - að keyra þessa leið - var tilbúin með mjög fínar útprentanir af leiðinni úr nýja HP PHOTOSMART D7400 prentaranum mínum og Road map. Byrjaði á að æfa mig að keyra eftir korti - ákvað að keyra í miðbæ Westborough - það gekk bara fínt þannig að ég ákvað dempa mér-hugsaði bara.."ef ég villist þá get ég allavegana snúið við" - sem að ég komst svo að er hægara sagt en gert...en já allavegana- byrjunin gekk mjög vel - ég var meirað segja farin að setja á mig sólgleraugun, keyra með annarri og syngja með Jon bon Bovi...Bon Jon Bovi...???!!!! - þangaði til ég kom til Boston. Já..ég átti að velja einhverja aðrein...sem að ég missti af - .og endaði með því að hringsóla um miðbæ Boston í svona 1klst - fann loksins stæði og starbucks þar sem að ég tók kortin mín og fór að stúdera (í því hringir mamma-sem já...skilur kannski núna afhverju ég var svona pirruð;)) - en ég hafði sem betur fer villst í rétta átt - þannig að ég fann þetta að lokum.

Á morgun ætla ég að gera ráð fyrir svona klukkutíma auka...bara ef vera skildi að ég geri sömu mistök aftur..sem er ekki svo ólíklegt!!!

knúsílús...

Berglind sem lærði að keyra á Suðureyri!!;)

Ratatatatataaaaa

2007-08-09T11:58:00.000-07:00

jæja..þá er það dagur 2 í Boston.

Það vita nú flestir að ég á við sjúkdóm að stríða sem kallast "ratar ekki neitt-jafnvel þó hún fari þangað 500 sinnum röskun" .

Konan sem ég gisti hjá fór með mig um kvöldið þegar ég kom og sýndi mér lestarstöðina ofl. hentuga staði - og ég skil ekki afhverju ég var ekki að skrifa þetta niður...því að ég mundi þetta sko ALLSEKKI daginn eftir!!

í stuttu máli sagt átti ég að fara á Harvard-torg ná í kort þar..osfrv - ...ég var voða fljót að finna Starbucks sem er þarna rétt hjá - (fékk mér jógúrt! eithvað sem ég fæ mér aldrei heima...en var svo stressuð að segja eithvað vitlaust...þannig að ég valdi bara orð sem hljóma eins - jogurt og kaffi;) ) svo kom að því að labba að torginu...það er hægt að fara til hægri eða vinstri..og ég fer til vinstri.....jebb...labba og labba og labba og labba...en finnst þetta sko ekkert vera eins og þegar hún sýndi mér þetta...þannig að ég sný við..labba og labba og labba og labba...en kannast ekki við neitt..þannig að ég sný aftur við...þetta gengur svona sirka 10 sinnum, þe. ég að labba fram og til baka....þangað til að ég labba loksins alla leiðina í aðra áttina og kem að Porter square - hoppa í lest og fer í "miðbæ" boston.

Var orðin rosalega flink í lestarsamgöngum...held ég hafi farið svona 2 auka ferðir ..bara því það var svo gaman ..

En náði að fara á alla staðina..þó það hafi nú gengið misjafnlega vel - sit núna á starbucks við Harvard torg (eftir að hafa labbað í vitlausa átt-aftur!) - og var að panta bíl til að leigja mér á morgun- fæ þá íbúðina í westborough en þarf að keyra aftur til Boston á mánudaginn..þannig að ég hef helgina til að æfa mig ;)

Hér geta áhugasamir séð leiðina sem ég labbaði fram og til baka!!!;)

http://maps.google.com/maps?f=d&hl=en&geocode=&saddr=Harvard+Square,+Cambridge,+Middlesex,+Massachusetts,+United+States&daddr=Porter+Square,+Cambridge,+Middlesex,+Massachusetts+02140,+United+States&sll=42.379,-71.090615&sspn=0.058204,0.159645&ie=UTF8&amp;cd=3&z=14&om=1

Með bestu kveðjum

Berglind

Report

2007-08-08T05:18:00.001-07:00

Er komin til Boston.

Siminn er ekki ad virka, hlytur ad vera simakortid mitt tannig ad i dag aetla eg ad kaupa usa -simakort, fara upp a altjodaskrifstofuna i skolanum og jafnvel taka eitt bilprof.

En fyrst aetla eg ad fara a Starbucks

svo eg vitni i bilasolukonuna
yours ever truly
Berglind

Prófun

2007-07-10T13:40:00.000-07:00

bloggtest , 1-2, 1-2,